“Goalkeeper UEFA A”, mbahet kursi për trajnerët e portierëve
21/02/2017 00:00
Barça, opsioni i parë për portugezin e City-t, por kujdes PSG-në 20/04 07:30
Federata Shqiptare e Futbollit nisi programin 2-ditor “Goalkeeper UEFA A”, një program implementues në bashkëpunim me qeverinë e futbollit evropian. Në qendrën stërvitore të ekipeve kombëtare në Kamëz ishin të pranishëm një numër i konsiderueshëm i trajnerëve të portierëve.
Në këtë kurs 2-ditor, e gjithë vëmendja do të jetë te paraqitjet e portierit, kuptimi i rolit dhe detyrave të një trajneri portierësh, e mes tw tjerave dhe psikologjia e mbrojtwsit ekstrem.
Ai që bëri paraqitjen teorike në lidhje me rolin e gardianëve të portës ishte lektori italian Mario Kapaçe. Programi “Goalkeeper UEFA A” është ende në hapat e parë dhe tashmë ka nisur të praktikohet në vende si Anglia, Spanja, Danimarka apo Franca.
Paraqitjet e kombëtares shqiptare në vitet e fundit dhe puna e bërë nga federata shtynë delegatët e UEFA-s të pranonin propozimin e këtij institucioni për të aplikuar këtë program edhe në vendin tonë. I pranishëm në këtë kurs ishte dhe ish-portieri i skuadrës sonë kombëtare, Arjan Beqaj, i cili theksoi se cilësia e portierëve shqiptarë është rritur ndjeshëm dhe këtë e tregojnë paraqitjet e Etrit Berishës dhe Thoma Strakoshës në Serinë A.
Top Channel
