Protesta për Velierën: Gjykata ndryshoi vendimin

“Vendimi u dëgjua nga 5 pjestarë të shoqërisë civile, që do të thotë se dy këmbët e kalit të Trojës nuk do të qëndrojnë në Durrës, po kur morem vendimin konstatuam se pezullohet puna në vetëm ¼ të shtetit. Kryetari i bashkisë kërkon të mposhtë shtetin…. Do kërkojmë nga Presidenti dhe Ministria e Kulturës të ndalojnë këtë masakër dhe mashtrim që po cënon historinë e kombit”, tha ekologjisti Sazan Guri.

Avokatja e çështjes Mirela Jorgo deklaron se menjëherë kanë kërkuar nga prokuroria e Durrësit sigurimin e regjistrimit audio të seancës gjyqësore për të përballur ndryshimet në vendim.

“Seanca gjyqësore u bë me dyer të mbyllura dhe vendimi u dha i qartë dhe i pastër që nuk lejohen punimet në pjesën e sipërme të rrugës…”, tha Mirela Jorgo, avokate dhe aktiviste.

Po avokatja Jorgo thotë se nuk është në dijeni nëse është bërë regjistrimi audio, ndonëse ky është një detyrim ligjor i Gjykatës, ndërsa hedhjen e betonit nga ana e Bashkisë e quan të paprecedentë.

Mesditen e së shtunës, të gjithë qytetarët shqiptarë janë ftuar në një proteste masive, në mbrojtje të Durresit historik dhe vlerave të tij.

“Qytetarët ftohen që ose ta shkatërrojnë qytetin e tyre bashkë me bashkinë, ose t’i dalin për zot qytetit të Durrësit dhe të gjithë shqiptarëve. I ftoj të gjithë historianët dhe arkeologët.

Ndërkohë në Bashkinë e Durrësit bëjnë të ditur se kanë respektuar vendimin e gjykatës dhe të KKA-së (Këshillit Kombëtar të Arkeologjisë), duke ruajtur të pabetonizuar edhe vijën nën të cilën ndodhen themelet e vazhdimit të murit bizantin, pjesë e sistemit të fortifikimit të qytetit, me synim për ta bërë të dukshëm në nje fazë tjetër të projektit. Vendim ky i marrë nga Dako pas reagimit të fortë të shoqërisë civile dhe specialistëve të fushës për varrosjen e tij.

Top Channel