Vlorë, ndalohen 2 gomone; procedim dy peshkatarëve grekë
17/02/2017 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Policia kufitare e Vlorës ka ndaluar këtë të premte një gomone që ndodhej rreth 1 milje larg nga brigjet e qytetit, në ujërat tona territoriale.
Ndërhyrja e policisë u realizua rreth orës 14:25, pas informacioneve se në drejtim të të Ftelesë kishte hyrë një mjet lundrues grek, i cili po peshkonte.
Në vendin e ngjarjes, i njohur si Ishulli i Francezit, mbërritën forcat kufitare, të cilat ndaluan gomonen, me gjatësi rreth 5 metra dhe me emrin “Orion”, në bordin e të cilës udhëtonin dy vetë.
Këta të fundit janë identifikuar me inicialet A.F dhe S.F, atë e bir, përkatësisht 41 dhe 13 vjeç, të cilët janë ndaluar në kushtet e flagrancës.
Ndaj dy shtetasve grekë ka filluar procedimi penal për veprat “kalim të paligjshëm të kufirit shtetëror” dhe “peshkim i ndaluar”.
Ndërkohë, mjeti lundrues i përdorur prej tyre, i pajisur me dy motorë të markave “Mariner” dhe “Suzuki”, me 40 dhe 25 kuaj fuqi, është sekuestruar.
Gjithashtu, në Gjirin e Portonovës, pranë një terreni shkëmbor u gjet në buzë të detit i braktisur një mjet tjetër lundrues tip Gomone, me gjatësi 4.8 metra, pa mbishkrim dhe me një motor të markës “Yamaha” 50 HP.
Nga kontrolli i ushtruar në këtë mjet nuk u konstatua ndonjë material apo send i kundraligjshëm.
Policia ka bërë sekuestrimin e këtij mjeti. Vazhdojnë hetimet për identifikimin dhe kapjen e poseduesit të këtij mjeti lundrues.
Top Channel
