Banda e grabitësve, çështja kalon te Krimet e Rënda
17/02/2017 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Gjashtë të rinjtë e identifikuar si autorë te dy grabitjeve në Rinas do të hetohen më tej nga Prokurroia e Krimeve të Rënda për grup të strukturuar kriminal, veprime në kuadër të këtij grupi, vjedhje me armë dhe armëmbajtje pa leje.
Në mesditë Prokuroria e Tiranës shpalli moskompetencën dhe dërgoi për hetime të mëtejshme pranë Krimeve të Rënda Fatjon Xhyliun, Neim Avdylajn, Ernest Kupën dhe Ditjon Memlikën.
Ka të dhëna se katër të arrestuarit, dy të tjerët në kërkim, por edhe persona të tjerë të dyshuar, kanë vepruar me role të ndara dhe si një grup i strukuruar, si në grabitjen e Qafë-Kasharit, por edhe atë të shkurtit 2017, ku u rrëmbyen 3.2 milionë dollarë.
Si drejtues kryesor i grupit dyshohet Admir Murataj, me një të kaluar të pasur kriminale dhe njohje të hershme me Ilir Kupën, i njohur si pjesë e grupit të “Babagjyshëve”. Po i rrezikshëm konsiderohet nga policia edhe Jetmir Çerpja, i cili mendohet se ka krijuar lidhje me grupin në Greqi.
Aktualisht policia po vijon kërkimet për Çerpjan dhe Muratajn, fotot e të cilëve janë shpërndarë në të gjitha komisariatet. Burimet thonë se po hetohen edhe të paktën tre persona të tjerë të dyshuar si pjesë e sulmit në rrugën e Rinasit dhe që mendohet gjithshtu se kanë përgatitje ushtarake, sikurse Neim Avdylaj dhe Ditjon Memlika.
Nga rrëfimi i deritanishëm i Fatjon Xhyliut dhe Neim Avdylajt, konfirmohet deri më tani se ai që ka marrë pjesë në sulmin e blindave në të dyja episodet është Ernest Kupa, i cili nga ana e tij e mohon pjesëmarrjen në grup.
Top Channel
