Williams zbulon makinën e re, FW40

Janë revistat ‘Motorsport’ dhe ‘Autosport’ ato që arritën të sigurojnë këto imazhe të makinës së re të skuadrës britanike kur ka mbetur 1 muaj nga fillimi i sezonit të ri të Formula 1.

Në videon e publikuar nga këto dy revista vihen re ndrsyhimet që janë bërë në makinën e re të Williams dhe që ishin lajmëruar më parë, siç është shasia e saj që është më e gjerë dhe që ka krahë më të mëdhenj.

Prezantimi zyrtar i makinës së re të Williams do të bëhet në 25 shkurt, 2 ditë përpara testeve parasezonale që do të zhvillohen në Barcelonë.

Pilotët që do të garojnë për skuderinë britanike në botërorin e këtij viti janë i riu Lance Stroll dhe Felipe Massa, me brazilianin që iu rikthye garave pas deklaratës për tërheqje pas largimit të Bottas në drejtim të Mercedes.

Top Channel