Shkodër, qëllon me armë brenda lokalit, arrestohet 42-vjeçari

15/02/2017 00:00

Një 42-vjeçar nga Shkodra është arrestuar nga policia nën akuzën e tentativës së vrasjes dhe armëmbatjes pa leje, pasi ka hapur zjarr brenda një konflikti.

Nga sa raportohet Arjan Gjeta, pas një konflikti për motive të dobëta me 26-vjeçarin E.P. 2, dyshohet se ka gjuajtur me armë zjarri në lokal ku ndodheshin edhe klientë te tjerë dhe është larguar, duke shkaktuar vetëm dëme materiale.

Ngjarja ka ndodhur rreth orës 19:00 të së mërkurës në një lokal në lagjen “Mark Lula” në Shkodër.

Menjëherë në vendngjarje kanë mbërritur shërbimet e policisë, të cilët bënë të mundur identifikimin e autorit të dyshuar, lokalizimin dhe arrestimin e tij.

Gjithashtu gjatë kontrollit të ushtruar në banesë, 42-vjeçarit iu gjet 1 armë zjarri automatike dhe 1 krehër me 8 fishekë, të cilat u sekuestruan në cilësinë e provës materiale.

FOTO GALERI
1/3

Top Channel