Kukësi mund Tiranën në shtëpi, Skënderbeu i dyti

Kukësi thuajse nuk luajti në pjesën e parë, ku pësoi një gol nga bardheblutë, ndërsa e anasjellta ndodhi në pjesën e dytë, kur Kukësi dominoi në çdo pjesë të fushës, krijoi disa raste, kurse Tirana me djem të rinj ia bën jo pak të vështirë Kukësit arritjen e objektivit.

Por nëse Pejiç gaboi disa herë, Emini përmbushi misionin me golin e dytë, duke shënuar atë të 3-pikëshit. Një fitore që gjithsesi solli vuajtje e presion për trajnerin Gjoka.

Ndërkohë, presidenti Gjici mohon aleancën me Tiranën, duke shprehur bindjen se do ta eliminojë edhe nga Kupa e Shqipërisë.

Si për ironi e për të konfirmuar momentin e vështirë, për herë të parë trajneri Josa nuk kishte asgjë për të thënë për mediet pas kësaj humbjeje, duke refuzuar të përballet me gazetarët për një ndeshje me kaq pikëpyetje, e kaq të përfolur.

Në ndeshjet e tjera të së shtunës, Skënderbeu i rrëmbeu vendin e dytë Partizanit pas fitores me Laçin në Korçë me rezultatin e ngushtë 1-0. Ai që vendosi fatin e sfidës për kampionët e vendit ishte Hamdi Salihi që shënoi golin e fitores në minutën e 21 pas një pasimi të Sabien Lilaj me Skënderbeun që shkoi në kuotën e 41 pikëve, 4 më pak se Kukësi kryesues.

Vllaznia dhe Flamurtari nuk zhgënjyen në përballjen mes tyre të luajtur në “Loro Boriçi”. Ajo që doli e fituar në këtë sfidë ishte pikërisht skuadra e drejtuar nga Armando Cungu me rezultatin 3-2 në një ndeshje ku minutat e fundit ishin vërtet spektakolare.

Pjesa e parë u mbyll me avantazhin e Flamurtarit 1-0 pas golit të Bushiç. Por Vllaznia shënoi 2 herë në 13 minutat e fundit teksa shënuan Hebaj e Bakaj për të marrë kryesimin 2-1. Bushiç ndëshkoi sërish shkodranët teksa barazoi 2-2, një ekuilibër që zgjati shumë pak pasi Pjeshka i dha fitoren skuadrës së Cungut duke shënuar golin e tretë te takimit.

Top Channel