Debati në distancë mes Presidencës dhe Ministrisë së Jashtme lidhur me votën e Shqipërisë në OKB, ka vijuar dhe gjatë ditës së martë.
Pasi kreu i shtetit mohoi të jetë informuar nga Ministria e Jashtme mbi këtë çështje, edhe pse i është kërkuar që në datën 11 janar, nga Shkodra ministri Bushati ka repilkuar serish duke thene se, informacioni i është dërguar Presidencës përpara deklaratës së tij në Komisionin e Jashtëm parlamentar.
Por sërish ka reaguar institucioni i Presidencës, duke e quajtur dizinformim deklaratat e Bushatit.
Për të provuar këtë fakt, Presidenca ka publikuar dhe regjistrin e Gardës së Republikës, ku evidentohet se shkresa nga Ministria e Jashtme ka mbërritur në orën 10:00 të datës 7 shkurt, duke kërkuar dhe një herë nga kreu i diploamcisë që të mos dezinformojë lidhur me një ngjarje kaq sensitive.
Top Channel
