Bllokohet anija shqiptare me flamur kongolez
06/02/2017 00:00
119 të dënuar lirohen sot nga burgu i Fierit! Sa të burgosur kanë përfituar ulje dënimi nga Amnistia Penale 24/04 14:07
Qe detyruar të hynte ne radën e portit të Kaljarit në Sardenjë për shkak të motit të keq, por me sa duket do të qëndrojë gjatë atje anija “Roger”, me pronar shqiptar.
Nga kontrollet e Guardia di Finanza, që aktualisht ka sekuestruar mjetin lundrues me flamur kongolez, kanë rezultuar shumë anomali.
“Roger” duket se bën pjesë në listën e 73 anijeve të sinjalizuara nga autoritetet e Kongos. Ata kanë bërë të ditur se këto anije mbajnë flamurin e këtij vendi pa pasur asnjë të drejtë dhe në mënyrë të paligjshme. Mjeti, me në bord 2 400 ton profile hekuri, duket se i transportonte pa dokumentat e nevojshme të sigurisë.
Rastin tani e ka marrë në shqyrtim prokuroria, që duhet të vazhdojë hetimet e mëtejshme.
Nuk dihet ende se sa kohë anija mund të mbahet e bllokuar, e bashkë më të edhe ekuipazhi i përbërë prej shtatë anëtarësh, të gjithë shtetas shqiptarë.
Top Channel
