Kapen 214 kg kanabis në Igumenicë, në pranga 2 shqiptarë
03/02/2017 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Antidroga e Igumenicës ka sekuestruar këtë të premte në vendin e quajtur Vasiliko, një sasi prej 214 kilogramësh lëndë narkotike e llojit kanabis.
Sipas një njoftimi për shtyp të policisë greke, sasia e drogës po transportohej me një një furgon me targa greke, që drejtohej nga një 43-vjeçar shqiptar, me të cilin udhëtonte edhe një shqiptar tjetër, 38 vjeç.
Të dy ata janë arrestuar. Policia helene thotë se kishte informacion për trafikimin e lëndës narkotike, e cila sipas saj ishte ngarkuar në kufirin shqiptaro-grek, pranë Konispolit.
Autoritetet njoftuan gjithashtu se nga verifikimi i të dhënave ka rezultuar se ndaj 38-vjeçarit ishte nxjerrë një urdhër-arrest ndërkombëtar nga Interpol Tirana, që e kërkonte për veprën penale të “vrasjes me paramendim”.
Dy të arrestuarit janë dërguar në Gjykatën e Igumenicës, e cila ka vendosur t’i lërë në burg deri në përfundimin e hetimeve.
Top Channel
