Energjia, tenderët elektronikë, do shmangen ofertat me zarf
02/02/2017 00:00
“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
Brenda qershorit tenderët për blerjen e energjisë nga importi do të bëhen vetëm në formë elektronike. Rregullorja e re e Entit Rregullator të Energjisë po diskutohet me grupet e interesit. Sipas OSHEE, do të ngrihet një platformë elektronike, e cila do të shmangë ofertat me zarfe dhe fakse.
Ofertat dhe trajtimi i tyre, si dhe përcaktimi i çmimit më të mirë do të bëhet vetëm në formë elektronike, për të cilën është e nevojshme krijimi i një platforme të integruar. Rregullorja përcakton që jo vetëm OSHEE-ja, por edhe gjeneruesi publik dhe operatori i transmetimit për nevojat e tij, blerjen e energjisë nga tregu i parregulluar do ta kryejnë në formë elektronike”, shprehet Elton Sevrani, drejtori i tregtimit të energjisë, OSHEE.
Për 2016-n, OSHEE ka blerë mbi 40 milionë euro energji dhe synimi është të rritet transparenca dhe marrja e çmimeve më të ulëta të importit.
“Kriteret bazë në këtë platformë janë transparenca dhe informacioni në kohë reale për të gjitha fazat e negocimit për arritjen e çmimit më të ulët për blerjen e energjisë”, tregon Sevrani.
Edhe shpallja e fazave të negocimi të ofertave për importet e energjisë do të bëhet online.
Top Channel
