Takimi i Brukselit, DW: Tmerrësisht i keq dhe pa asnjë rezultat
02/02/2017 00:00
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Përfaqësuesja e lartë e Bashkimit Europian, Federica Mogherini i quajti konstruktive bisedimet e nivelit të lartë Kosovë-Serbi në Bruksel.
Liderët nuk kanë bërë ndonjë deklaratë, me gjasë duke përmbushur kështu edhe kërkesën e Mogherini-t për të mos bërë komente.
Por Deutsche Welle raporton se takimi ka dështuar dhe pothuaj nuk ka pasur fare bisedime, përveç fotografive mes delegacioneve dhe takimeve sa për sy e faqe, sepse pozicionet janë krejtësisht të kundërta shkruan DW. “Takimi ishte tmerrësisht i keq dhe pa asnjë rezultat”, thotë për Deutsche Wellen një burim diplomatik në Bruksel, në kushte anonimiteti. As darka e parashikuar nuk është mbajtur sipas DW.
“Takimi i sotëm ka qenë vazhdimësi e dialogut që kemi pasur me 24 janar. Unë jam e inkurajuar me angazhimin konstruktiv të të dy palëve. Ky takim dhe angazhimi i tyre do të kontribuojnë për uljen e tensioneve”, deklaroi Mogherini në një komunikatë për shtyp, ndërkohë që sipas DW, ajo çfarë ka mbetur e palëkundur janë deklaratat me të cilat liderët e dy vendeve hynë në takim. Presidenti i Kosovës me dëshirën për ulje tensionesh dhe ai serb, i cili tha në prag të takimit se kurrë nuk do të flasin me askënd për pavarësinë e Kosovës.
Top Channel
