Mustafa: Dialogu Kosovë-Serbi, me takime më të shpeshta
26/01/2017 09:40
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Kryeministri i Kosovës Isa Mustafa ka deklaruar se dialogu ne mes Kosovës dhe Serbisë do të zhvillohet me takime më të shpeshta, dhe sipas tij, takimi i radhës do të mbahet në fillim të muajit shkurt.
Serbia dhe Kosova kanë hyrë në një fazë të re të dialogut, atë të përfaqësimit në nivelin më të lartë, president – kryeministër.
Takimi i parë i këtij niveli është mbajtur të martën në Bruksel me ndërmjetësim të BE-së.
Mustafa duke folur për takimin e së martës, ka thënë se pas takimit me përfaqësuesen e BE-së, Federica Mogherini, ai i përbashkëti me liderët serbë ka qenë mjaft i vështirë, duke pasur parasysh edhe situatën e fundit që ka ndodhur.
Ai ka thënë për televizionin publik se nga takimet e ardhshme do të shihet nëse Serbia është e interesuar për normalizim të vërtetë të marrëdhënieve, ashtu siç i janë zotuar përfaqësueses për Politikë të Jashtme të BE-së.
Top Channel
