Kosovë-Serbi, Haradinaj nga Franca: Jo bisedime pa kushte
23/01/2017 00:00
Freedom House: Korrupsioni dhe ndikimi politik në gjyqësor, shqetësime të vazhdueshme në Kosovë 24/04 22:13
Takimi i planifikuar për në datën 25 janar mes dy kryeministrave të Kosovës dhe Serbisë, në Bruksel, ka zemëruar Ramush Haradinajn.
Nga Franca, ku ndodhet në liri me kusht, kreu i Aleancës për Ardhmërinë e Kosovës sulmon me një status në “Facebook” gatishmërinë e Kosovës për të biseduar, pa i vënë kushte Serbisë.
Ai i quan “kukulla të Serbisë”, kryeministrin Mustafa dhe presidentin Thaci. “Të ulesh në një tavolinë bisedimesh me Serbinë, që po i shkakton kaq shumë dëme Kosovës, me murin, trenin dhe fletarrestet e sajuara, do të thotë të mos e kuptosh interesin e shtetit tënd dhe të mos e përfaqësosh popullin”, shkruan Haradinaj.
Kryeministri Mustafa dhe ai serb Vuçiç do të takohen të mërkurën në Bruksel, në kuadër të dialogut Prishtinë-Beograd, por takimi është i pari pas tensioneve të fundit, që shkaktoi nisja e trenit me parulla nacionaliste serbe nga Beogradi drejt Mitrovicës së Veriut.
Top Channel
