Urdhri i fundit i Obamës, një sulm në Siri
21/01/2017 00:00
A do ketë një kundërsulm nga Irani drejt Izraelit? Komandanti Iranian: Nuk ka dëme nga sulmi, zona është e sigurt 19/04 08:22
Urdhri i fundit i Barak Obamës për një sulm ajror në Siri u dha vetëm pak orë përpara se t’i dorëzonte çelesat e zyrës ovale pasardhësit të tij, Donald Trump. megjithatë, sipas Pentagonit, goditja rezultoi tepër e suksesshme.
Më shumë se 100 militantë të Al Kaedës janë vrarë nga bombardimi i kampit të tyre stërvitor në Idlib, në jugperëndim të Alepos. Kampi besohet të ketë qënë aktiv që prej 2013-tës. Në sulm u përfshi një avion bombardues B-52 dhe disa drone të armatosura.
Shkatërrimi i kampit Shaykh Sulayman sipas zëdhënësit të Pentagonit, kapitenit Jeff Davis, i jep një goditje të fortë operacioneve stërvitore të militantëve islamik dhe dekurajon afrimin e grupeve opozitare siriane me ndjekës të Al Kaedës në terren.
Mësymje të tilla shpjegon ai, i reduktojnë ndjeshëm aftësitë e organizatës, e dobësojnë vendosmërinë e luftëtarëve dhe shkaktojnë konfuzion mes radhëve të saj.
Zyrtari i mbrojtjes sqaron se militantët e vrarë nga sulmi i fundit ishte pjesë e asaj që konsiderohet si “bërthamore e grupit terrorist” ku përfshihen dhe operativë të hershëm. Personat në fjalë, që deri vonë qëndronin në Pakistan, besohet të jenë shpërngulur vitin e kaluar në këtë zonë të Sirisë.
Pak orë përpara bombardimit të Shaykh Sulaymanit, një sulm i befasishëm ajror amerikan kundër ISIS-it në Libi i kushtoi jetën më shumë se 80 militantëve.
Top Channel
