Tregtia me Kosovën, pikë e përbashkët doganore në Durrës
18/01/2017 00:00
“Shkrihen” shoqatat e biznesit/ Qeveria synon krijimin e një dhome ekonomike kombëtare, bizneset kundërshtojnë
15/04 19:45
Bizneset kosovare do të kenë mundësi, që mallrat e importuar përmes Shqipërisë t’i zhdoganojnë në Durrës. Ministrat e Financave të dy vendeve ranë dakord në Tiranë për hapjen e një pike të përbashkët doganore.
“Pika kryesore normalisht është të biem dakord për hapat konkrete që duhet të ndërmarrim deri në 15 shkurt për hapjen e doganës së përbashkët në Durrës për mallrat që kanë destinacion Kosovën”, tha ministri kosovar i Financave, Avdullah Hoti.
Dy qeveritë kanë ngritur edhe një grup të posaçëm pune, i cili po evidenton barrierat tregtare mes dy vendeve.
“Për të parë një nga një të gjitha ato procedura të cilat kanë kosto dhe pengojnë shkëmbimet tregtare”, tha ministri Ahmetaj.
Të dy ministrat mendojnë se kjo është e vetmja rrugë për të nxitur tregtinë mes Shqipërisë dhe Kosovës duke e shfrytëzuar këtë rast për t’ju përgjigjur kërkesave publike nga krerët e dhomave të tregtisë së dy vendeve për subvencione dhe politika proteksioniste.
“Ne jemi edhe si qeveri, por edhe si ministra kundër çdo mase proteksioniste. Ajo që kemi detyrë është të mos krijojmë pengesa të reja dhe të zhdukim të gjitha pengesat ekzistuese”, tha Ahmetaj.
Top Channel
