Edi Rama takon homologun nga Singapori
18/01/2017 00:00
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari 24/04 21:57
Pak javë më parë Singapori njohu pavarësinë e Kosovës dhë mirënjohjen për këtë akt kryeministri Edi Rama e shprehu gjatë takimit me homologun e tij Lee Hsien Loong, gjatë vizitës zyrtare atje.
“Ishte kënaqësi që të dëgjoja nga Kryeministri shprehjen e interesimit për reformat që kemi bërë në Shqipëri. Diskutuam edhe për rajonin. Singapori njohu pak javë më parë Kosovën, një hap shumë i rëndësishëm për Kosovën, por edhe një hap që na afron më shumë”, deklaroi Rama.
Kreu i qeverisë shqiptare e vlerësoi Singaporin si një model zhvillimi nisur nga transformimi i bërë gjatë gjysmëshekullit të fundit, ndërsa në fokus të takimit ishte rritja e bashkëpunimit mes dy vendeve.
“Diskutuam me Kryeministrin edhe për shkëmbime në interesin tonë, përsa i përket administrimit fiskal, pasi këtu ka një dije të madhe dhe një infrastrukturë shembullore për administrim fiskal si dhe për rendin publik”, shtoi Rama.
Në takimin mes dy homologëve u diskutua edhe për potencialet që Shqipëria ofron në fusha të ndryshme kryesisht në energji, naftë, minerale dhe turizëm.
Top Channel
