Shkodër, zjarr në banesë; vetëm dëme materiale
18/01/2017 00:00
Një banesë private 2-katëshe që banohej nga katër familje është përfshirë nga flakët mëngjesin e sotëm në vendin e quajtur rrugica e “Tisazhit”, në qytetin e Shkodrës.
Menjëherë në vendngjarje kanë shkuar mjetet zjarrfikëse që kanë bërë të mundur izolimin e flakëve.
Zjarri ka shkaktuar dëme materiale, por fatmirësisht jo të lënduar në njerëz, pasi familjarët arritën të dilnin jashtë në momentin e zjarrit.
Ndërkohë, policia po punon për zbardhjen e rrethanave të rënies së zjarrit.
Top Channel