Pesë kushtet e PD për zgjedhjet e qershorit
16/01/2017 00:00
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari
24/04 21:57
Ashtu siç ishte paralajmëruar, opozita parlamentare ka përcaktuar si çështje të saj parësore në seancën e parë për 2017, çështjen e zgjedhjeve. Partia Demokratike parashtroi me anë të kreut të Grupit Parlamentar, Edi Paloka pesë kushtet e saj për zgjedhjet e ardhshme.
Kushtet janë pjesë e një memorandumi, që Paloka tha se është nënshkruar nga 20 parti parlamentare dhe jo parlamentare.
Së pari, opozita kërkon realizimin e identifikimit biometrik të zgjedhësve, votimin elektronik dhe numërimin elektronik të votave përmes një sistemi në shkallë vendi.
Së dyti, demokratët kërkojnë dekriminalizimin përmes zbatimit të ligjit për dekriminalizimin dhe largimin e bandave dhe elementëve kriminalë nga fushata zgjedhore dhe qendrat e votimit ditën e zgjedhjeve.
Së treti, kërkohet ulja e kostos së fushatës përmes reduktimit drastik të shpenzimeve, transparencë për burimet financiare si dhe të forcohen penalitetet përfshirë cilësimin e shit-blerjes së votës si krim i rëndë.
Së katërti, të ndalohet përdorimi i burimeve njerëzore të administratës në fushatë dhe struktura partiake, po ashtu edhe materialet e administratës.
Së pesti, akses i drejtë në media dhe mbulim mediatik dhe normim i hapësirës publicitare në fushatën zgjedhore.
“Nuk mund të ketë çështje më thelbësore për ne sesa garantimi i votës së lirë dhe rikthimi i besimit të qytetarëve se vota e tyre do të vendosë për të ardhmen. T’u rikthehet besimi se vota e tyre do të shkojë atje ku ata duan dhe do të numërohet drejtë. Mbi 20 parti kanë nënshkruar sot një memorandum”, tha Paloka.
Top Channel
