Izolimi nga dëbora, në gatishmëri helikopterët e FA
10/01/2017 00:00
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Forcat e Armatosura janë angazhuar për të shpërndarë ndihma në fshatrat e izoluara nga dëbora në rajonet më të thella të vendit.
Në përgjigje të kërkesave të Drejtorisë së Përgjithshme të Emergjencave Civile, helikopterët e Forcës Ajrore kanë kryer disa fluturime për shpërndarjen e ndihmave.
Një helikopter “Cougar” dërgoi ndihma ushqimore dhe batanije për banorët e fshatrave Arrën dhe Kalis në Kukës.
Ministria e Mbrojtjes bën me dije se helikopterët e Forcës Ajrore janë në gatishmëri për t’iu përgjigjur çdo emergjence, ndërsa mjetet e rënda të Forcave të Armatosura mbeten të angazhuara edhe në hapjen e rrugëve rurale që janë ende të bllokuara nga bora.
Top Channel
