Një surprizë e “hidhur” pas zgjimit
04/01/2017 00:00
Një person në Gjermani është zgjuar me një surprizë aspak të këndshme. Ai vendosi të dilte nga shtëpia, por para derës kryesore dikush i kishte ngritur një mur me tulla.
Ngjarja aspak e zakontë ndodhi në Mainhausen, pranë Offenbach në Gjermani dhe lajmi u konfirmua edhe nga policia lokale.
Sipas policisë, muri është ngritur brenda pak minutave, ndërsa motivet janë ende të paqarta, ndoshta një shaka, hakmarrje, ndërsa nuk është përjashtuar edhe ndonjë bast i vënë nga autorët.
Policia është vënë në kërkim të disa të dyshuarve, ndërsa dëmtimi i pronës është vlerësuar rreth 500 euro.
Top Channel