Dhurata dhe ndihmë në Shkodër

Në këtë shkollë qëndrojnë 93 fëmijë me regjim ditor dhe për ta janë dhënë pajisje mësimore, dhurata, por edhe janë bërë rregullimet e ambienteve mësimore si dhe krijimi i mundësive që fëmijët të mund të shfaqin talentin e tyre.

“Të mos hezitojmë të dhurojmë. Festa fillon kur ne japim. Sesa shumë nevojë ka kjo shoqëri për modele pozitive dhe për solidaritetin”, tha Keti Bazhdari, “CATI YOUTH”.

E njëjta ndërhyrje është bërë edhe në qendrën e zhvillimit që trajton persona me aftësi të kufizuar me qëndrim të përhershëm dhe që është në vartësi të Bashkisë së Shkodrës duke përmirësuar kushtet e jetesës për shumë fëmijë.

Ndërsa në shtëpinë e foshnjës përveç lodrave për të miturit, fondacioni ka ndihmuar me përmirësimin e kuzhinës si dhe u ka siguruar falas dy herë në javë mundësinë për t’i dërguar fëmijët në një ambient për të luajtur, jashtë shtëpisë ku qëndrojnë.

Top Channel