Drejtori i burgut, në burg
23/12/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Gjykata e Durrësit caktoi mesditën e së premtes masën e sigurisë “arrest me burg” për drejtorin e Burgut të Durrësit, Astrit Kotja. Ky i fundit u arrestua dy ditë më parë për akuzën e shpërdorimit të detyrës, akuzë që ka të bëjë me procedurat e ndjekura për lirimin para kohe të ish-drejtuesit të bandës së Durrësit, Lul Berisha.
Gjatë seancës për vlerësimin e masës së sigurisë, zyrtari i burgjeve nuk e ka pranuar akuzën, duke deklaruar se si drejtues i burgut të Durrësit nuk kishte kryer asnjë shkelje, pasi procedurat e lirimit janë kompetencë e zyrës juridike dhe jo të drejtuesit të institucionit.
Por, pavarësisht pretendimeve, gjykata vendosi të pranojë kërkesën e prokurorisë, duke caktuar masën e sigurisë “arrest me burg” ndaj drejtorit të burgut të Durrësit.
Top Channel
