Shulku zbulon zëvendëstrajnerin e kombëtares
21/12/2016 00:00
VIDEO/ Përballjet në Europa League, Roma mposht Milanin me një lojtar më pak! Atalanta eleminon Liverpool-in 18/04 22:50
Paolo Tramezzani tashmë nuk është më pjesë e kombëtares. Federata Shqiptare e Futbollit (FSHF) konfirmoi zgjidhjen e kontratës me italianin në mënyrë konsensuale dhe tashmë asaj i mbetet detyra e përcaktimit të pasuesit të tij.
Së fundmi është folur për Ervin Bulkun si kandidat për të marrë vendin e Tramezzanit, gjë që u pohua edhe nga Sekretari i Përgjithshëm i FSHF-së, Ilir Shulku në emisionin “Wake Up”, në Top Channel.
“Tani që flasim, Bulku është zëvendëstrajner. Mund të jetë kandidat edhe për rolin e Tramezzanit, i cili me largimin e tij ka hapur dy vende, pasi ishte zëvendëstrajner dhe drejtor teknik. Do të jetë në dorë të De Biasit nëse do e mbajë ende apo jo Bulkun si zëvendësin e tij”, tha Shulku.
Ilir Shulku, në intervistën e tij, përveç objektivave të Kombëtares, foli edhe për çështjen e stadiumit, duke konfirmuar përfundimin e punimeve në harkun e dy viteve.
Top Channel
