Mbetjet e Vlorës, financim 20 milionë euro për projektin
15/12/2016 00:00
“Forbes” përzgjedh Shqipërinë në listën e vendeve të paprekura nga turizmi masiv, nga fermat te shtigje e rafting, ja itinerari që sugjeron 23/04 11:01
Banka gjermane “KfW” do të financojë mbi 20 milionë euro për një projekt, i cili synon të zgjidhë gjendjen problematike të mbetjeve në zonën turistike të Vlorës.
“Nëpërmjet të cilave sigurohet kredia në vlerën 12 milionë euro për financimin e investimit, një grant 7.5 milionë euro, si dhe një grant tjetër 1.3 milionë euro për masat shoqëruese në kuadër të programit”, tha Ahmetaj.
Projekti parashikon ndërtimin e një sistemi modern për menaxhimin e mbetjeve, që sipas zv.ambasadores gjermane do të përmirësojë ambientin dhe do të nxisë më shumë turizmin.
“Nevojat për investime janë të jashtëzakonshme. Këtë herë, ne po financojmë zhvillimin e integruar të mbetjeve në rajonin e Vlorës, një projekt i cili mundëson menaxhim modern të mbetjeve, si dhe ndërtimin e një landfilli sanitar”, tha Anke Holstein zv.ambasadore e Gjermanisë në Tiranë.
“Përveç ndërtimit të landfillit të ri është parashikuar edhe investimi për mbylljen e vendeve ekzistuese të depozitimit në Vlorë dhe Selenicë”, tha më tej Ahmetaj.
“Me KfË-në dhe me qeverinë gjermane kemi pasur një bashkëpunim të shkëlqyer, ndërsa tashmë po hyjmë në një bashkëpunim të ri tepër të rëndësishëm në fushën e menaxhimit të mbetjeve të ngurta, në një rajon që e ka problematikë të theksuar këtë, sikurse është Vlora”, tha Sokol Dervishaj.
Sipas qeverisë, ky projekt është pjesë e strategjisë kombëtare për menaxhimin e mbetjeve.
Top Channel
