Oscar, te Shanghai për 71 mln euro
14/12/2016 00:00
El Shaarawy: Bëra me përpikëri çfarë më kërkoi De Rossi, ndaj Milan-it luajtëm për Çelik 19/04 19:59
E ardhmja e Oscar duket se do të jetë në Kinë. Sipas medias britanike,futbollisti brazilian do të lërë Chelsean për t’u transferuar në Super Leaguen kineze te Shanghai SIPG që drejtohet nga Villas Boas për një vlerë prej 71 milionë eurosh.
Prej muajsh Oscar e ka humbur vendin në formacionin bazë të Chelseat dhe për këtë arsye ai po e mendon seriozisht kalimin te Shanghai qe i ka pergatitur nje kontrate me pagë 20 milionë euro në sezon.
Në Europë padyshim nuk mungojnë klubet që i vlerësojnë aftësitë e futbollistit brazilian dhe së fundmi u fol edhe për një interesim të Milanit dhe Juventusit në drejtimin e tij.
Megjithatë asnjë nga klubet e interesuar duket se nuk ka ndërmend të bëjë sakrifica ekonomike për të, gjë që nuk përbën asnjë lloj problemi për skuadrën e Shanghait.
Kjo lëvizje e bën Oscar futbollistin më të kushtueshëm në kampionatin kinez. Deri tani këtë titull e mban Hulk për të cilin Shanghai pagoi 56 milionë euro duke i garantuar futbollistit një kontratë me pagë 19 milionë euro në sezon.
Top Channel
El Shaarawy: Bëra me përpikëri çfarë më kërkoi De Rossi, ndaj Milan-it luajtëm për Çelik 
