Merkatoja e janarit, Roma dëshiron Fabregas
13/12/2016 00:00
Everton fiton derbin dhe nxjerr Liverpoolin nga gara e titullit, United triumf me përmbysje 24/04 23:21
Roma hedh sytë nga Cesc Fabregas. Sipas asaj që publikohet te e përditshmja “Il Tempo” klubi verdhekuq do të tentojë të sigurojë shërbimin e mesfushorit spanjoll në merkaton e muajit janar. Fabregas nuk po e gëzon besimin e Contes te Chelsea dhe Roma do të kërkojë të shfrytëzojë këtë situatë për ta sjellë Fabregas në Serinë A.
Gjithçka varet nga vendimi që do të marrë Chelsea. Nëse Blutë do të largojnë futbollistin, atëherë Roma e sheh veten në pozita të mira për të tentuar blerjen e tij. Te verdhekuqtë është i fortë besimi se Chelsea nuk dëshiron ta largojë spanjollin te një tjetër skuadër angleze për të evituar forcimin e skuadrave rivale.
Megjithatë problemet në këtë pikë nuk mungojnë. Pengesa kryesore në tratativat për Cesc Fabregas është paga e tij, të cilit Roma do të duhet t’i japë 3 milionë Euro deri në qershorin e vitit 2017.
Top Channel
