Reali nis përgatitjet për Botërorin e Klubeve

Skuadra “merengues” zhvilloi seancën e parë stërvitore në stadiumin e Jokohamës, për ndeshjen e së enjtes ndaj Club America.

Reali i Madridit do të kërkojë të fitojë titullin e tij të dytë në 3 vjet në këtë kompeticion për të kaluar rivalët e Barcelonës si klubi me më shumë tituj ndërkombëtarë në botën e futbollit.

Në këtë seancë stërvitore, ra në sy mungesa e Sergio Ramos, me kapitenin që kreu stërvitje të diferencuar nga pjesa tjetër e skuadrës.

Por, ai që tërhoqi vëmendjen në këtë stërvvitje ishte Cristiano Ronaldo, mbi të cilin u fiksuan të gjitha kamerat e instaluara në stadium. Zidane preferoi që të zhvillonte një seancë stërvitore të lehtë për të evituar ndonjë dëmtim të mundshëm për shkak të ndryshimit të orarit.

Top Channel