Konflikt me policinë, ndalohet vëllai i kryebashkiakut të Devollit

03/12/2016 00:00

Policia në Devoll ka ndaluar këtë të shtunë vëllain e kryetarit të bashkisë së këtij qyteti, për shkak se është konfliktuar me disa efektivë të policisë.

Burime policore lokale bëjnë të ditur se, shtetasi Altin Nallbati është ndaluar pasi ka goditur në ambjentet e komisariatit oficerin e Shërbimit të Çështjeve të Brendshme, Devi Ago dhe bashkëshorten e tij, oficere policie.

Sipas burimeve, Nallbati ndodhej në komisariat pasi një i njohur i tij ishte shoqëruar për prerje të paligjshme pyjesh.

Fillimisht ai është konfliktuar me punonjësen e policisë. Bashkëshorti i kësaj të fundit ka ndërhyrë dhe situata është përkeqësuar në përplasje fizike.

Top Channel