Berisha do të operohet, kthehet në vitin 2017
29/11/2016 00:00
Etrit Berisha do të operohet në meniskun e gjurit të djathtë, pas një dëmtimi që pësoi në ndeshjen që Atalanta e tij fitoi ndaj Romës.
Operacioni do të kryhet nesër dhe portieri i kombëtares sonë do të kthehet të luajë vetëm vitin e ardhshëm.
Kështu, Berisha do të mungojë në ndeshjet kundër Juventus, Udinese, Milan dhe Empoli.
Fatmirësisht, operacioni nuk ndikon në kombëtaren shqiptare, pasi sfida e radhës e kuqezinjve në eliminatoret e Botërorit, do të jetë në 24 mars ndaj Italisë, në Palermo.
Top Channel