Vetëm 19 minuta i kanë mjaftuar Realit të Madridit për të mposhtur Gijonin në ndeshjen e javës së 13 në La Liga duke u shkëputur tashmë në 7 pikë nga Barcelona.
Ronaldo ishte sërish njeriu i ndeshjes, duke shënuar të dy golat në fitoren 2-1. Portugezi realizoi fillimisht në minutën e 5 nga pika e bardhë e 11-metërshit, e më pas shënoi edhe golin e dytë në minutën e 19.
Lojtarët e Gijon arritën të reagojnë dhe në minutën e 35 ngushtuan diferencën me Lopez. Edhe në pjesën e dytë miqtë patën mundësi të mirë për të barazuar ndeshjen, madje humbën edhe një 11-metërsh në minutën e 78 në Cop.
Me këtë fitore, Reali shkon në kuotën e 34 pikëve, 7 më shumë se Barcelona e vendit të dytë, e cila do të luajë ditën e nesërme ndaj Real Sociedad.
Top Channel