Denis Shmili, ish-luftëtari i Shtetit Islamik që u arrestua për ngacmim seksual ndaj fëmijëve të tij dhe dhunë në familje, ka mbetur në burg.
Gjykata vlerësoi masën e sigurisë për Shmilin dhe e cilësoi atë si person të rrezikshëm për shoqërinë, duke e lënë prapa hekurave. Shmili, i dënuar më parë edhe për armëmbajtje pa leje, u denconua nga ish-bashkëshortja e tij.
Pas marrjes në pyetje të dy fëmijëve të tij, 6 dhe 7 vjeç, hetuesit arritën në përfundimin se kishte prova të mjaftueshme se Shmili i kishte ngacmuar seksualisht fëmijët e tij.
Gjykata, duke dhënë masën e arrestit me burg për të, tha se dyshimet e ngritura nga prokuroria kanë bazë ligjore. Prokuroria dispononte prova të kërcënmit të tij me jetë ndaj ish-bashkëshortes.
Top Channel