E premtja e zezë në dyqanet amerikane

Për të joshur sa më shumë konsumatore, uljet drastike nisen këtë herë që të enjten pasdite. Ndryshimi i mirëpritur nga konsumatorët besohet se do ta rrisë akoma edhe më shumë volumin e shitjeve. Pritshmëritë e Federatës Kombetare Amerikane të shitësve me pakicë janë të mëdha.

“Për sezonin e festave ne teresi ne parashikojme qe kjo industri te nxjerre 656 miliarde dollare nga shitjet. kjo shifer nenkupton nje rritje te nivelit te tyre me 3.6 %”, shprehet Ana Smith, zëdhënëse e National Retail Federation.

Njerëzit janë vënë në radhë të gjata përpara dyqanit të veshjeve “Macy`s” në Nju Jork, ku kanë sfiduar për orë të tëra të ftohtin me shpresën e blerjeve sa më të leverdisshme. Vitin e kaluar, ndër artikujt më të shitur në ditën e të premtes së zezë  hynin rrobat, pajisjet elektroshtepiake, librat dhe bizhuteritë.

“E premtja e zezë do të njihet padyshim si dita më e mirë sidomos për blerjen e elektroshtëpiakeve, duke filluar nga televizorët, lavatriçet e deri tek tharëset. Të tillë artikuj vijnë zakonisht me çmime tmerrësisht konkurruese. kaq të ulëta nuk i gjen në kohë të tjera të vitit”, shton Ana Smith.

Në Britani ndërkohë, disa qendra tregtare i hapen shpejt dyert këtë mëngjes vetëm që të gjenin shumë pak njerëz duke pritur jashtë. Mjaft britanikë preferojnë blerjet në internet, ndërsa një dite më parë Peter Ruis, shefi ekzekutiv i rrjetit të dyqaneve deklaroi se nuk do të marrë pjesë në këtë nismë pasi uljet sipas tij janë një mashtrim dhe mallrat e nxjerra aty shpeshherë nuk vlejnë sa çmimi origjinal.

Top Channel