Meta takon Annen: Zbatimi i reformës në drejtësi, kyç për integrimin
25/11/2016 00:00
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari
24/04 21:57
Kreu i Kuvendit Ilir Meta vijon vizitën e tij në Berlin, ku është takuar me kryetarin e komisionit të jashtëmt ë Bundestagut gjerman, Niels Annen.
Të dy bashkëbiseduesit theksuan se zbatimi i reformës në drejtësi është kyç për integrimin europian të Shqipërisë.
“Procesi i Berlinit, ku Gjermania luan një rol parësor, është tepër i rëndësishëm për vendet tona”, ka thënë kryeparlamentari shqiptar.
Ndërsa z. Annen se integrimi i Ballkanit, e veçanërisht i Shqipërisë ka një rëndësi strategjike për Evropën. “Avancimi përmes rrugëtimit realist të Ballkanit dhe veçanërisht i Shqipërisë drejt BE-së, rëndësi strategjike për Evropën. Bundestagu i kushton vëmendje rajonit tuaj dhe jemi të përkushtuar ndaj perspektivës evropiane të Shqipërisë”, tha ai.
Z. Meta u takua më pas me zv. Presidenten e Bundestagut, Ulla Schmidt ku u shprehën se prespektiva evropiane e Ballkanit duhet të avancojë dhe Gjermania ka një rol kyç.
Kreu i Kuvendit shprehu mirënjohjen për mbështetjen e Gjermanisë, duke shprehur vendosmërinë për të punuar për më tepër të drejta sociale dhe për ët rritur nivelin e jetesës së shqiptarëve. Ai ka vlerësuar ekspertizën gjermane për një arsim profesional për të rinjtë.
Top Channel
