Byroja përjashton me 10 ditë Nokën, deputeti: Jemi në situatë kritike
23/11/2016 00:00
Rama për ‘La Repubblica’: Engjëll Agaçi po baltoset si të ishte kriminel! Përgjigjet e tij nuk u përdorën nga gazetari
24/04 21:57
Byroja e Kuvendit ka përjashtuar me 10 ditë deputetin e PD Flamur Noka, për shkak të ofendimeve dhe sherrit të shkaktuar prej tij në Komisionin parlamentar të sigurisë kombëtare.
Nga ana e tij, Noka e ka cilësuar këtë vendim si të ndikuar nga lidhjet kriminale të qeverisë. “Jemi në një situatë kritike, kur biznesi i drogës po lulëzon”, ka thënë Noka, i cili ka denoncuar edhe sjelljen e ministrit Tahiri.
“Tahiri u soll si një klloun. Nuk foli për buxhetin e Ministrisë së Brendshme, por luajti teatër”, ka thënë Noka.
Lidhur me vendimin ka reaguar edhe nënkryetari i PD, Edmond Spaho, sipas të cilit përjashtimi i Nokës legjitimoi “veprimet arrogante” të ministrit Tahiri.
“Ministri qëndroi 5 minuta në mbledhje dhe nuk i përfilli anëtarët. Ndërsa kryetari i komisionit favorizoi sjelljen arrogante të tij”, ka thënë Spaho.
Nënkryetari i PD është shprehur se në këtë mënyrë “po tentohet t’i mbyllet goja opozitës për të gjitha shqetësimet e saj”.
Top Channel
