Japonia tërheq alarmin e tsunamit, shpëton Fukushima
22/11/2016 00:00
Polonia, e gatshme të kthejë në Kiev ukrainasit që të shërbejnë në ushtri 24/04 22:47
Japonia e hoqi paralajmërimin për tsunami të lëshuar pas tërmetit me magnitudë 7,4 që goditi bregun lindor të vendit.
Tërmeti ra në afërsi të Fukushimës duke shkaktuar fillimisht në brigjet e saj dallgë tre metra të larta. Ato që mbërritën më vonë megjithatë, ishin më të vogla, ndaj autoritetet e konsideruan rrezikun të kapërcyer.
Me mijëra vetë më herët iu ishte kërkuar të evakuonin zonën, ndërsa nuk pati veçse raporte për disa lëndime të lehta.
Por frika ishte e madhe duke qenë se Fukushima u godit në 2011-n nga një tërmet i fuqishëm që vrau 18,000 vetë.
Lëkundjet e atëhershme të tokës, ndër më të fortat e regjistruara ndonjëherë, shkaktuan probleme të mëdha në kompleksin bërthamor, pastrimi i të cilit vazhdon akoma edhe sot. Këtë herë megjithatë, centrali nuk ka pësuar dëmtime.
Top Channel
