Emigranti biznesmen: Samiti të mbahet periodikisht
22/11/2016 00:00
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Samiti i Diasporës para së gjithësh ka shërbyer për të mbledhur në Shqipëri njerëz që duan të ndajnë eksperiencat e tyre jashtë dhe që i bashkon këtu dëshira për të kontribuar në zhvillimin e vendit të tyre.
Hajri Kaci, i lindur në Lurë, prej më shumë se 20 vitesh është vendosur në Torino dhe aty është sipërmarrës. “Më në fund u kthye koka nga diaspora dhe emigrantët”, thotë ai.
I ardhur nga një vend turistik, fokusi i tij është turizmi. Por që ta ndiejë veten të sigurt në investim ai shpjegon. “Investimi kryesor është turizmi. Duhet garantuar siguria sa i përket korrupsionit”, vijon ai.
Pritshmëritë e emigrantëve vijojnë të jenë këmbëngulëse, sidomos në të drejtën e votës. “Kjo është gjëja kryesore, në 2016-n akoma nuk kemi mundësi për të votuar”, u shpreh Kaci.
Përpos kësaj, edhe zhvillimi i traditës kulturore dhe pasqyrimi i saj në vendin ku emigrantët jetojnë sot është një tjetër dëshirë. “Ne duam të kthejnë kokën nga dhe të na japin rëndësinë e duhur, sa i përket edhe çështjes kulturore të mbrohen në vendet ku ne jetojmë”, thotë ai.
Hajri e viziton Shqipërinë shpesh, por me zë të lartë ai kërkon që takime në formën e këtij samiti të jetë në vazhdimësi. “Nëse kjo nuk bëhet traditë ne thjesht erdhëm, u takuam, bëmë një fasadë dhe u kthyem mbrapsht”, përfundon Kaci.
Top Channel
