Arma e komunizmit

Prej 1946, në gjithë botën u shpërndanë 100 milionë kallashnikovë dhe armë të së njëjtës familje. Kjo armë, e lehtë në përdorim dhe me kosto të ulët është mjeti më i përdorur në luftërat civile, në konfliktet e ndryshme në gjithë botën, veçanërisht në vendet e botës së tretë. Ajo është arma e preferuar e terroristëve.

Çdo vend i Lindjes dhe bllokut komunist prodhoi një variant të tijin. Shqipëria komuniste sapo hyri në traktatin e Varshavës u pajis me këtë armë dhe në votët 60 dhe 70 u ndërtuan edhe dy uzina, një në Gramsh dhe tjetra në Poliçan, të cilat prodhuan kallashnikovin shqiptar dhe armatimet për të.

Mbi 1.5 milionë mendohet se ka qenë rezerva e kësaj arme në depot e ushtrisë shqiptare, ndërsa një pjesë e madhe ra në duart e civilëve dhe u bë aktorja kryesore e ngjarjeve të rënda prej vitit 1997 e deri më tani.

Kallashnikovi është aktualisht arma kryesore e ushtrisë e policisë shqiptare. Pas hyrjes së Shqipërisë në NATO repartet e ndryshme të saj nisën të ndryshojnë armatim nën asistencën e vendeve aleate, kryesisht Shteteve të Bashkuara të Amerikës apo edhe Turqisë dhe së fundmi edhe me ndihmën e Italisë.

Top Channel