Ndalet për një minutë trafiku në kujtim të viktimave në rrugë

20/11/2016 12:00

Sot është Dita Ndërkombëtare në kujtim të viktimave të aksidenteve rrugore. Me mijëra persona lëndohen çdo vit nga këto aksidente. Policia e Shtetit sot ka ndërmarrë një fushatë sensibilizimi, ndërsa punonjësit e rendit dhuruan gjak për të plagosurit në rrugë.

Në orën 12:00 u kërkua që të ndalen automjetet për një minutë në shenjë respekti për ata që humbën jetën në aksidente.

Ndërsa në disa akse rrugore policia ka menduar të tërheqë vëmendjen e drejtuesve të mjeteve që të respektojnë rregullat në qarkullim duke vendosur mjete të dëmtuara nga aksidentet.

Ervin Hasarami, drejtues i Policisë Rrugore, tha në një lidhje telefonike me studion e lajmeve të Top Channel se, “ka një rritje të numrit të aksidenteve në krahasim me fundin e vitit të kaluar”.

FOTO GALERI
1/10

Top Channel