ATP Tour Finals, Murray nuk ndalet
19/11/2016 00:00
VIDEO/ Përballjet në Europa League, Roma mposht Milanin me një lojtar më pak! Atalanta eleminon Liverpool-in 18/04 22:50
Andy Murray dhe Kei Nishikori janë gjysmëfinalistët e dytë të ATP Tour finals. Tenisti britanik fitoi edhe ndeshjen e fundit në grupin ‘John McEnroe’ ndaj Stanislav Wawrinka me rezultatin 2-0. Ishte një përballje ku numri 1 i botës iu imponua mjaft mirë zviceranit, duke i fituar të dy setet me rezultatin 6-4;6-2.
Kjo fitore e Murray ndaj Wawrinka ndihmoi jashtë mase edhe Kei Nishikori që arriti të sigurojë një vend mes 4 më të mirëve të turneut të fundvitit, edhe pse e humbis sfidën e fundit në grup ndaj marin Cilic që ishte i eliminuar. Tenisti kroat e mbylli sfidën me japonezin me rezultatin 2-1.
Në gjysmëfinale, Murray do të luajë kundër Milos Raonic, ndërsa Nishikori do të përballet me numrin 2 të botës, Novak Djokovic.
Top Channel
