Plagosje me thikë pas sherrit në Facebook
15/11/2016 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Për nje sharje në rrjetet sociale, dy të rinj janë përleshur me thika në Divjakë. Dy 17-vjeçarët jetojnë në një fshat, në Karavastanë e Re dhe vazhdimisht debatonin në rrjetet sociale, debate që përfundonin me ofendime.
Sipas adoleshentit të plagosur, i cili ndodhet në Spitalin e Lushnjes, prej disa ditësh bashkëmoshatari i tij shkëmbente me të dhe shokët e tij fyerje të ndryshme në rrjet dhe përplasja ka nisur kur i riu, subjekt i ofenvimeve kërkoi ballafaqim.
Nga fjalët, dy të rinjtë përfunduan shpejt në përplasje fizike, ku sipas dëshmive në polici një prej tyre ka nxjerrë thikën duke e qëlluar 3 herë bashkëmoshatarin në kokë e në shpatull.
Policia e Lushnjes ka bërë arrestimin e 17-vjeçarit autor të ngjarjes dhe e ka marrë atë në pyetje, ndërsa është gjetur edhe thika me të cilën ai kreu plagosjen.
I plagosuri është jashtë rrezikut për jetën në Spitalin e Lushnjes.
Top Channel
