Kandidatët e tjerë, liberali Johnson dhe ambientalisti Stein në listën e votimit

Sondazhet tregojnë se Gary Johnson pritet të renditet i treti në bazë të votave në garën presidenciale me mbi 4 për qind të mbështetjes së amerikanëve. Ai ka shërbyer si ish-guvernatori i Nju Meksikos. Para se ti futej karrierës politike, Johnson ka qenë biznesmen.

Fokusi i fushatës së tij ne fakt ka tërhequr vëmendjen e votuesve. Nën moton “Ne kërkojmë botën e lirisë; një botë në të cilën të gjithë individët janë sovranë dhe ku askush nuk është i detyruar të sakrifikojë vlerat e tij për të mirën e të tjerëve”, Johnson duket se hyri me këmbën e djathtë në garë por shumë shpejt magjia për të u prish.

Lidhjet e tij me politikën e jashtme nuk janë aspak të mira, të paktën këtë ka reflektuar në dy momente të fushatës së tij. I pyetur në një emision të “NBC” mbi atë çka ai do të bënte në qytetin e shkatërruar nga lufta Aleppo, të Sirisë, Johnson u përgjigj: “Çfarë është Aleppo?” Përgjigja e tij u kthye në një subjekt të kritikave në mbarë mediat sociale.

Mbështetja ndaj Gary Johnson mori edhe më tej tatëpjetën në shtator kur u pyet për emrin e një lideri ndërkombëtar që ai preferonte. Gary, i kapur ngushtë, u përgjigj: “Më duket se po përjetoj një moment si ai me Aleppon”, tha ai.

Njësoj në fillim gjërat u dukën premtuese edhe për Jill Stein me prirje të majta. Madje ishte kandidati demokrat-socialist senatori Bernie Sanders ai që ushqeu popullit amerikan shumë nga idetë e majta në fushatën e tij. Por Stein, mjeke në pension dhe aktiviste e vjetër e politikës mori goditje kur senatori i Vermontit pas humbjes në zgjedhjet paraprake kundër Clinton, u be krahu i saj i djathtë.

Megjithatë sado Gary Johnson dhe Jill Stein mund të dalin mirë në këto zgjedhje, gjithçka do të jete pikë plus për performancen e tyre, por jo se mund t’i japë terren drejt Shtëpisë së Bardhë për të cilët rruga drejt saj duket shumë e largët.

Sistemi dypartiak ka dominuar zgjedhjet në pjesën më të madhe të historisë së Amerikës. Në një fushatë ku 1 në 4 amerikanë preferojnë dy kandidatët kryesorë të partive si Republikane dhe Demokrate, palët e treta mbeten gjithmonë në hije.

Top Channel