Reshjet e dendura, probleme me energjinë në disa zona të Tiranës

08/11/2016 00:00

Për shkak të motit të keq gjatë natës dhe orëve të para të mëngjesit, një pjesë e mirë e kryeqytetit ka mbetur pa energji elektrike.

OSHEE sqaron se janë përmbytur disa kabina dhe për pasojë është detyruar të stakojë energjinë deri në uljen e nivelit të ujit.

Gjithashtu bëhet e ditur se përmbytje ka edhe në TEC-in e Kombinatit, po ashtu janë dëmtuar dy fidrat 25 dhe 26 tek nënstacioni i Selitës.

Për pasojë zonat pa energji elektrike në Tiranë janë: Rruga “Tish Daia”, Eleonora, pranë Kopshtit Botanik, Kodra e Diellit, zona pranë ish-Drejtorisë së ujërave (Selitë), zona pranë ish-SMT, zona pranë shkollës “Bajram Curri”, zonat “Rruga Bardhyl”, Porcelani, ish-Kinostudio, zona e Kombinatit, Rruga e Qelqit, Yzberisht, etj.

Top Channel