KLSH kallëzon ish-drejtorin e portit Durrës. Dëm 217 mln lekë
06/11/2016 00:00
U bë nervoz gjatë një kontrolli rutinë, policia italiane gjen 500 gr kokainë në makinën e shqiptarit 18/04 16:52
Kontrolli i Lartë i Shtetit kallëzon në Prokurori ish-drejtorin e Portit të Durrësit, Gazmend Shalsi, me akuzën e shpërdorimit të detyrës. Ky i fundit është larguar nga detyra, ku qëndoi për rreth 2 vite, pak ditë më parë.
KLSH-ja ka zbuluar një dëm prej 217 milionë lekësh dhe mospërmbushje e detyrimeve koncesionare për investime në vlerën 6.6 miliardë lekë.
Kontrolli i Lartë i Shtetit ka audituar periudhën nga nëntori i 2011-s deri në prill të këtij viti. Përveç kallëzimit për ish-drejtorin e Përgjitshëm ekzekutiv, KLSH-ja kërkon 35 masa për shpërblim dëmi dhe 21 masa të tjera disiplinore për punonjësit e Autoritetit Portual Durrës.
Dëmi më i madh është detyrimi rreth 38.7 milionë dollarë i 3 kompanive koncesionare, që nuk kanë zbatuar kontratën për të investuar në terminalet respektive të marra me koncesion.
KLSH-ja i ka kërkuar edhe Ministrisë së Transporteve informacion zyrtar mbi kontratat koncesionare, por nuk i është vënë në dispozicion asnjë lloj dokumenti.
Shkelje të tjera ka në shkarkimin e tubave dhe makinerive të gazsjellësit TAP, të cilat nuk kryhen nga Autoriteti Portual, por nga një subjekt privat.
Top Channel
