Tiranë, avari në nënstacionin e Selitës; në zonë mungon energjia
01/11/2016 00:00
OSHEE ka njoftuar mbrëmjen e kësaj të marte ndërprerjen e energjisë në disa zona të kryeqytetit.
“Katër fidra që lidhen me nënstacionin e Selitës, në Tiranë, kanë pësuar avari për shkak të mbingarkesës, si pasojë e daljes jashtë funksionit të nënstacionit qendror, i cili këto ditë po zhvendoset”, thuhet në një komunikatë për shtyp.
Në njoftim bëhet me dije se, brigadat e OSHEE janë në terren dhe po punojnë për rregullimin e defektit, të verifikuar rreth orës 20.00.
“Një pjesë e zonave që furnizohen nga këto fidra kanë marrë energji elektrike. OSHEE po e ndjek me përparësi situatën, duke kërkuar ndjesë dhe mirëkuptim”, vijon njoftimi.
Top Channel