Serbia liron kryepolicin e Mitrovicës, Nehat Thaçi
01/11/2016 00:00
“Do të të bëj masazh”/ Pezullohet nga detyra pedagogu i Universitetit të Prishtinës 23/04 14:13
Autoritetet serbe të drejtësisë kanë liruar nga paraburgimi një prej oficerëve më të lartë të Policisë së Kosovës, konkretisht kryepolicin e Mitrovicës së Veriut, i cili u dënua një muaj më parë pasi iu ngrit akuza për terrorizëm.
Televizioni shtetëror serb thotë se Nehat Thaçi është liruar këtë të martë, pasi prokurorët tërhoqën hetimin e nisur ndaj tij. Thaçi u arrestua pasi kaloi kufirin nga Kosova drejt Serbisë në fund të muajit të shtatorit, duke dhënë sinjalin e radhës të tensioneve në vazhdim në dy vendet e Ballkanit. Kosova dhe drejtuesit e saj më të lartë kanë protestuar kundër arrestimit të tij.
Edhe pse Kosova ka shpallur pavarësinë që prej vitit 2008, pas luftës së viteve 1998-’99 që u zgjidh me ndërhyrjen e NATO-s, Beogradi vijon të refuzojë njohjen e shtetit më të ri në rajonin juglindor të Europës, megjithatë i është bashkuar bisedimeve të ndërmjetësuara nga Bashkimi Europian për të normalizuar marrëdhëniet mes dy vendeve, me synimin për të avancuar edhe me aspiratat për anëtarësim në bllok.
Top Channel
