Regjistrimi i popullsisë, më 15 nëntor; Tahiri njofton nisjen e procesit
28/10/2016 00:00
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Procesi i regjistrimit të popullsisë do të nisë më 15 nëntor të këtij viti. Në Vlorë, ministri i Brendshëm Saimir Tahiri deklaroi se, më në fund do të ketë një regjistrim real të banorëve të Shqipërisë.
“Ne jemi në fazën më të rëndësishme të popullimit. Me kryetarët e bashkisë e kam ndarë pjesën më të madhe të këtij procesi. Janë mjaft të vetëdijshëm për detyrat që ka secili. Në Zyrat e Urbanistikës janë mjaft të vetëdijshëm për detyrat që ka çdo zyrë, çdo punonjës, çdo ndërlidhës me komunitetin, çdo kryeplak, çdo punonjës i Policisë së Shtetit në çdo zonë. Ajo që duhet është që të mos neglizhojmë”, tha Tahiri.
Sipas tij, janë 1.200 të rinj të cilët do të angazhohen ditë për ditë nga sot e 6 muaj për të bërë këtë regjistrim. “Është procesi më i rëndësishëm për të pasur më në fund një pasqyrë të denjë dhe reale në fund të të cilës do kemi një Shqipëri si në letër ashtu edhe në realitet”, shtoi Tahiri.
Në këtë proces Ministria e Brendshme ka përfshirë edhe Ministrinë e Energjitikës. Ajo do të angazhojë 1 mijë e 200 të rinj të cilët do të regjistrojnë derë më derë çdo shtetas shqiptar që banon në vend.
Top Channel
