Odise Roshi duket se ka rigjetur formën e tij më të mirë në Rusi me skuadrën e Terek Groznit. Lojtari i kombëtares shqiptare shënoi një eurogol në fundjavë, ndërsa ka arritur të realizojë sërish këtë të mërkurë.
Terek luajti ndaj Salavat Ufa, një ndeshje e vlefshme për Kupën e Rusisë, ku ishte duke humbur, por Roshi arriti të barazojë shifrat në 1-1 në minutën e 53 të ndeshjes, rezultat i cili mbeti i pandryshuar deri në fund të kohës së rregullt.
Ndeshja shkoi në shtesë, por as 30 minutat e saj nuk sollën ndryshim të rezultatin dhe u nevojitën 11-metërshat për të përcaktuar ekipin që kalon në fazën tjetër. Dhe për fat të keq për Roshin e Balajn ishte Ufa që kaloi më tej pasi fitoi 3-4 me penallti.
Në këtë takim për Terekun luajti që nga minuta e parë edhe shkodrani Bekim Balaj.
Top Channel