Gjirokastër, dëmtime në kala; shembje në murin lindor
25/10/2016 00:00
“Male spektakolare dhe lugina të egra”, Le Figaro artikull për vendin tonë: Shqipëria, një arratisje e egër 25/04 14:49
Shembja e një pjese të murit lindor të kalasë së Gjirokstrës në zonën pranë hyrjes së Sahatit duket se vetëm ka avancuar degradimin që kishte nisur prej vitesh në strukturën murale.
Shembja, e favorizuar nga lagështira, megjithëse nuk ka qenë e rëndësishme në volum dhe nuk paraqet rrezik për banesat përreth, ka nevojë për ndërhyrje emergjente për të shmangur rrëzimet e mëtejshme.
Problemet në këtë zonë të kalasë nisën gati 5 vite më parë, kur një volum i konsiderueshëm dheu dhe gurësh u shembën mbi rrugën kryesore.
Sipas kreut të Monumenteve të Kulturës, Albert Kasi, pritet një ndërhyrje tërësore që do të izolojë rrezikun sidomos për kalimtarët dhe mjetet.
Kalaja e Gjirokastrës është monumenti më i rëndësishëm i trashëgimisë kulturore në jug të vendit. Ajo përmendet për herë të parë si qytet dhe kështjellë në vitin 1336.
Top Channel
