Anglia “kryqëzon” Ibrahimovic, 5 ndeshje pa shënuar
25/10/2016 00:00
Castellanos nuk mjafton, Milik vjen nga stoli dhe dërgon Juven në finale 23/04 22:58
Në Angli entuziazmi për ardhjen e Zlatan Ibrahimovic duket se zgjati shumë pak. Ai që u cilësua si blerja më e mirë me parametra zero, për shumë persona po rezulton një dështim i vërtetë.
Suedezi deri tani ka shënuar 6 gola me fanelën e “Djajve të Kuq”, por në 5 ndeshjet e fundit ai ka dështuar në tentativat e tij për të gjetur rrugën e rrjetës, një situatë të cilën Ibra nuk e përjeton që nga viti 2010.
Kjo e dhënë ka shqetësuar jo pak tifozët e Manchester United, ndërkohë që kritikat ndaj tij në media janë shtuar ndjeshëm. Të gjithë duket se e shohin Ibrahimovic si fajtorin kryesor të krizës së Manchester United, madje është arritur deri aty sa të kërkohet edhe lënia e tij jashtë formacionit bazë.
Është pikërisht “Manchester Evening News” që i ka bërë apel trajnerit Jose Mourinho që të lërë në stol suedezin dhe në vendin e tij të aktivizojë Rashford ose Martial.
Top Channel
